Síneann an LPT seo ó Ghlaise Chú i gceantair Chnoc Fola ó thuaidh go Cró Bheithe i gceantair Mhín a Bhaoill ó dheas. Is pobal é an LPT seo a bhfuil dlús maith daonra ann – go deimhin tá an dlús daonra tuaithe is airde in Iarthar na hEorpa sa cheantar a luíonn idir an Bun Beag agus Bun an Leaca.

De réir thorthaí Dhaonáireamh 2022, tá 6,151 duine ina gcónaí sa LPT agus tá 4,696 (75%) acu sin líofa sa Ghaeilge. Is é sin níos lú ná 1% do thitim ó bhí 2016 ann. Ó thaobh cainteoirí laethúla Gaeilge de, tá 2,866 (47%) cainteoirí laethúla sa LPT agus sin titim do 1% ó bhí 2016 ann.