Tugann an scéim Gael Chara deis do fhoghlaimeoirí a gcuid Gaeilge a bhisiú trí chaidreamh a chothú le cainteoir líofa sa cheantair ar bhonn duine le duine.

Bíonn an scéim ar bun in roinnt Limistéir Pleanála Teanga difriúla sa tír. Is iad Dónall Ó Cnáimhsí agus John Ó Fearraigh, Oifigigh Pleanála Teanga a bhíonn ag riaradh na scéime ar shon Meitheal Pleanála Teanga an Iarthuaiscirt (MPTIT).

Is tréimhse trí mhí atá i gceist agus tá súil againn go mbeidh ar chumas na rannpháirtithe a bheith i dteagmhail le chéile ar a laghad 30 uair a chloig thar an tréimhse sin (2.5 uair sa tseachtain ar an mheán).

Ag na rannpháirtithe féin atá sé le socruithe a dhéanamh a n-oireann dóibh féin. Tá MPTIT sásta liúntas de €350 a íoc leis na rannpháirtithe go léir in dhá ghala. Tá ag éirí go maith leis an scéim go dtí seo agus ba mhaith linn é a fhorbairt amach anseo.