Aithníonn Meitheal Pleanála Teanga an Iarthuaiscirt go bhfuil tábhacht faoi leith le logainmneacha an cheantair i dtaca leis an saibhreas teanga, staire agus béaloidise atá ag baint leo. Mar sin de, shocraigh muid sraith taifid a chur ar bun cúpla bliain ó shin le daoine áitiúil ina ndéanann siad cur síos ar an logainm is fearr leo.

Rinne measarthacht daoine aitheanta as an limistéar pleanála teanga seo taifid cheana féin ar nós Niall Mac Eamharcaigh atá ina aisteoir sa sobal drama cáiliúil Ros na Rún, Áine Ní Bhreisleáin a bhíonn le cloisteáil ar chláracha difriúla de chuid RTÉ RnaG, Noel Ó Gallachóir iar-phríomhoide Pobalscoil Ghaoth Dobhair agus údar don leabhar ‘Aisteoirí Ghaoth Dobhair (1931-1981)’ a bhain Leabhar Gaeilge na Bliana ag an Oireachtas i mbliana srl.

Chuir Séamus Ó Gallachóir (Feidhmeannach Teanga agus Cultúr de chuid Údarás na Gaeltachta) tús leis an tsraith agus léirigh sé an tábhacht atá leis an logainm é féin do phobal na Gaeilge, an saibhreas iontach Gaeilge atá sna logainmneacha agus an doigh go n-insíonn an leagán Gaeilge don logainm cuid mhór dúinn faoin tírdhreach. Luaigh sé sa taifead sin chomh maith gur dhúirt Uinseann Mac Craith agus Treasa Ní Fhearraigh as Dún Chaoin in Iarthuaisceart Mhaigh Eo, sa leabhar a chur siad amach dar teideal ‘Logainmneacha agus Oidhreacht Dhún Chaoin’ gur ionann logainmneacha do phobal na Gaeilge agus eochair na háite. "Eochair a n-osclaíonn doras nó fuinneog ar ghné dár saol faoi lathair nó don saol ina chuaigh thárt, donár n-oidhreacht agus donár ndúchas a cheanglaíonn don timpeallacht.”

Nasc do na logainmneacha a rinneadh go dtí seo anseo.