Tá ár bpobal ar thairseach na cinniúnach anois maidir lenár n-ábaltacht an Ghaeilge a chaomhnú mar theanga labhartha an phobail seo, mar sin tá ról againn uilig le hiarrachtaí an teanga a bhuanú agus a neartú sa cheantar. Is ea ár príomhaidhm ná tuismitheoirí a spreagadh a bpáistí a thógail le Gaeilge ionas go mairfidh sí mar theanga labhartha móraimh an phobail. Tá obair ar dóigh ar siúl ag eagraíochtaí ar nós Tuismitheoirí na Gaeltachta, Comhar Naíonraí na Gaeltachta srl agus tugann siad tacaíocht mhaith dúinn leis an sprioc seo a bhaint amach. Tá an sealbhú idirghlúineach an-tábhachtach chun an saibhreas teanga a chaomhnú i measc na n-óg.